СтӀашъу Юрэ

СтӀашъу Юрэ — исэнэхьаткӀэ сурэтышӀэ-щыгъынышӀ. Щыгъын шъошэ гъэшӀэгъонхэр ежьежьырэу къеугупшысых, едых. Ахэр зэкӀэ адыгэ лъэпкъым ижъырэ шъуашэу иӀагъэхэм афэгъэхьыгъэх. Адыгэхэм ятарихъ, яхабзэхэр, непэрэ мафэм игумэкӀыгъохэр, игушӀуагъохэр ахэмэ ахэолъагъо.

СтӀашъу Юрэ иӀофшӀагъэхэр лъэпкъ музеим чӀэлъых. Ахэмэ яплъыхэрэр бэ дэд. СурэтышӀ шӀагъом ивыставкэхэр бэрэ зэхащэх. Адыгэ Республикэм ичӀыпӀабэмэ, Урысыем икъалэхэм, хэгъэгу зэфэшъхьафхэм мы выставкэр къащагъэлъэгъуагъ: США-м, Тыркуем, Сирием, Иорданием ыкӀи нэмыкӀхэм.

Щыгъын шъуашэу адыгэ тарихъым ехьылӀагъэхэм бзылъфыгъэ шъошэ дэхищ ахэт. Ахэмэ «АмазонкэкӀэ» яджагъ. Мы шъуашэхэр бзылъфыгъэ зэокӀо пхъашэхэм афэгъэхьыгъэх.

Нартхэм афэгъэхьыгъэ шъуашэхэми сурэтышӀым ивыставкэ къагъэбаи. Ахэмэ ащыщых «Адыиф», «Саусэрыкъу», «Лахъо».

СтӀашъу Юрэ фэдэ цӀыф ӀэпэӀасэ тилъэпкъ зэриӀэм инэу тырэгушхо.