ТӀутӀэ Заур
ТӀутӀэ Заур чъэпыогъум и 2-м Къэбэртэе-Бэлъкъар республикэм ит поселкэу Баксан къыщыхъугъ, щеджагъ. Нальщыкъ дэт музыкальнэ училищэм ивокальнэ отделение къыухыгъ. 1973-рэ илъэсхэр ары Заур итворчествэ къызыщежьэгъагъэр. ащ щегъэжьагъэу музыкальнэ зэнэкъокъу ыкӀи фестиваль зэфэшъхьафхэм бэрэ ахэлэжьагъ. анахьэу орэдыӀор цӀэрыӀо зыщыхъугъагъэр фестивалэу «с песней по жизни» зыфиӀоу къалэу Москва щыкӀогъагъэр ары. ащ Давид Тухмановым ытхыгъэ орэдэу «Вечная весна» зыфиӀорэр къызэрэщиӀуагъэр бэмэ лъэшэу агу рихьыгъагъ. ОрэдыӀом къалэу Москва илъэсыбэрэ, чӀыпӀэ зэфэшъхьафхэм Ӏоф ащишӀагъ. ТӀутӀэ Заур Къэбэртэе-Бэлъкъар, Къэрэщэе-Щэрджэс, Адыгэ Республикэм, Урысыем янароднэ артист.