Тхьабысымэ Умар

Тхьабысымэ Умар (ШышъхьэIум и 16, 1919 — ШышъхьэIум и 21, 1998) Кощхьэблэ районым ит къуаджэу Фэдз къыщыхъугъ. Умарэ щыIэныгъэ гъогу гъэшIэгъон къыкIугъ. ИцIыкIугъом къыщегъэжьагъэу адыгэ пщынэм, адыгэмэ ямузыкальнэ фольклор, адыгэ пщыналъэм афэщагъэу щытыгъ. адыгэ музыкальнэ культурэм Тхьабысымэ Умарэ Iофышхо щишIагъ, хэхъоныгъэшхо ригъэшIыгъ. адыгэ лъэпкъыр зэрыгушхорэ композиторым, орэдыIом музыкальнэ произведениеу 500-м ехъу къытфигъэнагъ. республикэм имызакъоу, Урысые Федерациеми, IэкIыб къэралхэми Умар ипщыналъэхэр дэгъоу ащашIэх. Умар иорэдхэр цIыфхэм лъэшэу шIу алъэгъух, агъэлъапIэх. ЗэлъашIэрэ орэдхэу «синан», «О унитIу», «си адыгей», «Налмэсыр къашъо», нэмыкIхэми адыгэ культурэм ифонд къагъэбаигъ.