Кощхьэблэ къедзыгъо

Кощхьаблэ район
Other information
Official website http://www.admin-koshehabl.ru

Кощхьэблэ къедзыгъо (урысыбзэгьэ: Кошехабльский район) — Адыгэ Республикэм и къедзыгъуиблмэ ащыщэу зы. Къоджэ шъхьаӏэр – Кощхьабл. Къедзыгъом и лIышъхьэр – Тхьаркъохъо Налбый.

Кощхьэблэ районым итарихъ 1934-рэ илъэсым къыщежьэ. Административнэ гупчэу иIэр къуаджэу Кощхьабл.

Ар псыхъоу Лабэ исэмэгубгъу щыс. Районыр икIыхьагъэкIэ километрэ 74-рэ мэхъу. 2024-рэ илъэсым икъэгъэлъэгъонхэмкIэ, Кощхьэблэ районым зэкIэмкIи нэбгырэ 30153-рэ щэпсэу, ­лъэпкъ зэфэшъхьафхэу 54-рэ мэхъух: адыгэхэр, урысхэр, ермэлхэр къэндзалхэр, цыхьанхэр, нэмыкIхэри. Районым къоджэ псэупIи 9 хэхьэ: Кощхьэблэ, Вольненскэ, Натырбые, Дмитриевскэ, Блащэпсынэ, Фэдз, Майскэ, Еджэркъое, Игнатьевскэ псэупIэхэр.

Адыгэ Республикэм къуаджэу итхэм ащыщэу Кощхьэблэ закъу Темыр-Кавказым имэшIоку гъогу зыпхырыкIырэр. Джащ фэдэу федеральнэ ыкIи республикэ мэхьанэ зиIэ автомобиль гъогухэр пхырэкIых. Кощхьаблэ иавтомобиль гъогухэм япроцент 95-м асфальт ателъ.

ЦIыфэу щыпсэухэрэр

ЦIыф нэбгырэ мин 30 фэдиз дэс (2014-рэ илъэс).

Гъэсэныгъэм, культурэм, общест­веннэ-политикэ щыIакIэм, нэмыкI лъэныкъо зэфэшъхьаф­хэми гъэхъагъэу ащашIыгъэхэмкIэ ацIэ дахэкIэ рарагъэIуагъ. Ахэм ащыщых Советскэ Союзым и ЛIыхъужъэу Къош Алый, адыгэ литературэм лъапсэ щызыдзыгъэ адыгэ тхэкIошхоу КIэрэщэ Тембот, Темыр Кавказым ипщы­нэо IэпэIэсагъэу Хьа­гъэудж Мыхьамэт, Адыгеим иапэрэ Президентэу Джарымэ Аслъан, филологие шIэныгъэ­хэмкIэ докторэу КIэрэщэ Зайнаб, Кощхьэблэ районым ыцIэ лъагэу зыIэтыгъэ, дахэкIэ рязыгъэIогъэ композитор цIэрыIоу Тхьабысымэ Умар, композиторхэу Тыкъо Къэплъан, Ан­дзэрэкъо Чеславрэ Вячеславрэ, УФ-м изаслуженнэ врачэу Болэкъо Махьмуд, атлетикэ онтэгъумкIэ апэрэ адыгэ олимпийскэ чемпионэу Чыржьын Мухьарбый, самбэмкIэ дунаим гъогогъу 11-рэ ичемпионэу Хьа­санэкъо Мурат, нэмыкIхэри.