МэщбэшIэ Исхьакъ

Википедие-м щыщ
МыкӀэ пкӀэ: зыплъыхьэн, лъыхъу

МэщбэшIэ Исхьакъ – адыгэ тхэкIо цIэрыIу. Ащ тхылъыбэ ытхыгъ. Жабзэм (литэратурэм) Iахьышхо хэзылъхьэгъэ тхьакIу. Ащ хэгъэгу щытхъуцIэхэр къыфаусыгъэх, тынышхохэр къыфагъэшъошагъэх. Исхьакъ итхылъмэ ащыщхэр тихэгъэгу имызакъоу IэкIыб къэралхэми ащашIэх.

МэщбэшIэ Исхьакъ адыгэхэр инэу рэгушхо. Адыгэ Республикэм и Гимн хэлъ гущыIэхэр ащ ытхыгъ.

МэщбэшIэ Исхьакъ Шумафэ ыкъор 1931-рэ илъэсым жъоныгъуакIэм (маим) и 28-м Краснодар краим хэхьэрэ Уруп районым ит адыгэ къуаджэу Шъхьащэфыжь къыщыхъугъ. 1947-рэ илъэсым якъоджэ еджапIэр, 1951-рэ илъэсым Адыгэ педучилищыр къыухыгъэх.[1] Илъэс 15-м щегъэжьагъэу усэхэр зэхилъхьэщтыгъэх. Иусэхэр зыдэт иапэрэ тхылъэу «ЦІыф лъэшхэр» 1953-рэ илъэсым къыдэкІыгъ. МэщбашІэм зэкІэмкІи тхылъ 70-м ехъу ытхыгъ. Мы аужырэ илъэсхэм тарихъ романхэр етхых. МэщбэшІэ Исхьакъ итхылъыбэ урысыбзэкІэ зэдзэкІыгъэхэу Москва, Краснодар, Мыекъуапэ къащыдэкІыгъэх. Ащ итхылъхэм ащыщхэр ІэкІыб хэгъэгухэми ащызэрадзэкІыгъэх. Тарихъ романхэу «Бзыикъо зау», «Мыжъошъхьал» зыфиІохэрэр тыркубзэкІэ, арапыбзэкІэ къыхаутыгъэх.

МэщбэшІэ Исхьакъ иІофшIагъэхэм осэшхо къафашІыгъ. Ар Адыгэ, Къэбэртэе-Бэлъкъар, Къэрэщэе-Щэрджэс республикэхэм я Народнэ тхакІу. Ащ нэмыкІ шІухьафтын инхэри иІэх.

  1. АДЫГЭ ЛИТЕРАТУР я 11-р э класс Мамый Руслъан, ХьакIэмыз Мир, Хьамырзэкъо Нуриет, Шъхьэлэхъо Дарико, ХъокIо Светлан, Шэуджэн Тэмар 2014